No so mia ben da cossa ch’el vegna fora, ma ’l me piase assè: ’na sperà de sole. Vol dire, in itajan, uno spicchio di sole, che vien fora da dedrio ale nuvole, on tochitin de sole.
ZONTA
Grazie a Éphémère, go savesto che la parola la vien fora dal latin tardo SPERA, che l’è el classico SPHAERA e st’oltemo chí el grego σϕαῖρα (SPHAIRA), che vol dire «sfera».
Varda caso, senpre sta parola latina chí la ga fato vegner fora in toscan spera, che vol dire «cerchio di luce, di raggi luminosi» (Treccani, s.v. «spera»), propio come da noantri.
