«Ofegà»

’Na roba ofegà l’è macià o spalpugnà, strazzonà; el se dixe dele robe da vestire.

’Ndo veto co’ chele braghe ofegà?

«Osto»

L’osto el saría el paron del’ostaría, cuelo che te dà da beere cuando che te ghe ve.

Prov. Ci va a l’osto el perde el posto. Ci va a l’ostaría el perde la partía..

«Òbito»

L’òbito el saria el funerale. L’è ’na parola dòta, che la vien dal latin; àrdela chí ’nte sto dizionario veronexe-toscan.