
El ga el morbín on butin (o anca on omo o ’na dona o on can) che l’è contento asè, el core in cuà e in là, el fa bacan, el se agita. In itajan — mejo, in toscan — se podaría dire, come ch’el dixe el Galepin, zurlo. El saría ’na specie de ἐνθουσιασμός (enthousiasmós) rustego, se podaría dire, on furore «profano» dei senplici.
Luigi Meneghello, tel so Pomo pero, p. 13, lì indoe ke l fà l elenco de le malatie de fameja dixen, dòpo "il Càncaro, il Cagotto, ... il misterioso Culo-di-banda ..., l'Ernia ... la Pellagra ...; e davanti a tutti lo svelto Morbino, malatietta ariosa, che ballava gettando i coriandoli." Parkè el le vede vegner-vànti come na procesion "per l'ultimo di carnevale".
RispondiEliminaIn nota, p.141, el mete:
" Morbino, malatietta:
Si potrebbe sostenere che il morbino (allegria smodata, stato di eccitazione capricciosa) non è una malattia vera e propria, ma un'alterazione dell'animo, quasi una spissa della personalità (spissa= varietà paesana di prurito). Si avrebbe torto."
Malatietta ariosa, el la ciàma. :D
"Malatietta" el ghe dixe Meneghello a l morbìn: na malatìa picinìna (difàti la finìse n -in), arioxa, spiritoxa, infantile o al màsimo adolescenziale; feminile anca, e ne vièn mente Le Morbinose goldoniane... Gaie, Vivaci, Festose, Allegre, Provocanti e Vogliose di litigare. talvolta di essere Accarezzate ... on fià come la Roxina tel Barbiere di Siviglia.
RispondiEliminaKela 'malatieta' lì - secondo mi - co la ghe ciàpa i zovenòti o i òmeni la devènta on 'borézo', ke l è pur sènpre on stato de morbìn, però - come dire - pì da adulti.