On omo el g’à fato ’na statueta de Mercurio e el la volea véndare. Ma gnisuni gh’intarèsava, e lora par ciamar crompadori el g’à scumiçià a oxare che chela statua lì la gavarìa portà schei a quelo che la crompa e se la porta caxa. Un che pasava da e lì el ghe dixe: “Ciò, com’ela che te la vindi lora, inveçe de tegnèrtela e gòdarte i schei che la te porta?”. “Eh”, el ghe fa lu, “mi g’ò bixogno de schei de paca, inveçe sto dio chi el dà i so regai quando ch’el vor lu”.
